معجزه للشهيد مارجرجس سريع الندهة

معجزه للشهيد مارجرجس سريع الندهة
كان هناك سيدة تريد ان تشترى لأولادها لوازم المدرسة ولكن ليس لديها نقود
حتى تشترى لهم الملابس وتدفع مصاريف المدرسة والكتب فكانت تبكى على حالها
وهى تسير فى الشارع وهى بتندة على مارجرجس وفجأة وقفت بجانبها سيارة مرسيدس
وسألها صاحب السيارة عن سبب بكائها فحكت له مشكلتها ففتح لها باب السيارة
وطلب منها ان تركب معه وانه سوف يذهب معها لشراء الملابس والكتب ودفع
المصاريف من مالة ... وبعد انهاء المهمة قال لها هاتروحى فين دلوقتى عشان
اوصلك قالتله :انا لازم اروح دير مارجرجس (سبورتنج) عشان اشكرة ،قالها هو
مين دة اللى هاتشكرية ؟ قالتله مارجرجس ..عشان هو اللى بعتك ليا ،قالها
خلاص انا هاوصلك .
وفى طريقهم للدير سألته انت اسمك اية؟ قالها اسمى جرجس فرحت اوى وقالتله
انت اسمك على اسم مارجرجس وانت منين بقى ياحبيبى ؟قالها انا من رومانيا
وطبعا هى كانت بسيطة ومفهمتش اى حاجة
وبعد ماوصلت للدير وقفت تولع شمعة وهى بتبكى من الفرح فشافها ابونا وسألها
عن اللى حصل فحكت له اللى حصل معها ففهم على طول ان اللى كان معاها مارجرجس
وجرى على اب تانى وقاله (الحق ياابونا مارجرجس غير الحصان وركب مرسيدس)
فغضب ابونا وافتكره بيتريق على مارجرجس ولكن بعد مافهم الحكاية كلها مجدوا
الله واعطوا السلام للبطل بركة شفاعته

وصلواته تكون معانا ولربنا المجد الدائم .امين

» تم افتتاح منتدى مارجرجس والبابا كيرلس السادس و مطلوب مشرفين
» معجزات للشهيد فيلوباتير مِرقوريوس أبى سيفين بصوت تماف إيرينى